Një grup i krishterë pretendon se një eklips diellor do ta godasë Mbretërinë e Bashkuar dhe Amerikën këtë vit dhe do të sjellë kështu apokalipsin, transmeton arbresh.info.

Eklipsi do t’i fusë vendet në një errësirë dhe do të shënoj fundin e botës, thonë disa të krishterë nga ueb-faqja Unsealed.

Një eklips total pritet që të ndodh në Amerikë më 21 gusht 2017, me Evropën Perëndimore që do të përjetojë një eklips të pjesshëm.

Dhe ky do të jetë eklipsi i parë i plotë pas rreth një shekulli i cili do të udhëtojë nga njëri bregdet i Amerikës tek tjetri, ka raportuar Daily Star.

Teoricienët konspirativë kanë nxjerrë disa fjalë nga Libri i Zbulesës për t’i mbështetur parashikimet e tyre.

Ata kanë theksuar pasazhet që përshkruajnë një grua të veshur me diell, me hënën në këmbët e saj. Shkrimi thotë se gruaja do të ndiqet nga një dragua satanik me shtatë kokë që do të kërkojë ta hajë fëmijën e saj të palindur./Arbresh.info/